يا يمه اليوم انا راحل بلا هاالدمع عالخدين

اذهب الى الأسفل

يا يمه اليوم انا راحل بلا هاالدمع عالخدين

مُساهمة من طرف ابو الادهم في الثلاثاء يوليو 01, 2008 4:51 pm

اشوف الكل يودعني ولكن بينهم تبقيـــن
يا يمه امسحي دموعك عيونك لا تبكيـــها


يا يمه هذي القسمة وقدر قد عرفنـــا زيـن
ياخذ ارواح من حوله ويوديها لبــــــاريها


يا يمه اليوم انا راحل بلا هاالدمع عالخدين
ترى روحي تودعني بحالك ذا تشـــــديها


ابي يمه تضميني كما طفل على الإيديــن
ابي فحضنك تخليني إلين الروح اخليـــها


وبوسة راس تكفيني ومسحة إيد عالهدبين
اغمض فيهم عيوني يا آخر وجه يضـــويها


يا يمه وش بقى ليا وانا عالموت لي شبريـن
وروحي تغتسل مني ابي ببسمــة تنشــريـها


وخلي عنك كل هالناس..عيونك ترتمي لـ وين؟؟
تصرخي بينهم ياكيف روحــــي لي ترديــــــها


علامك كل مايقولوا "خلاص هديه " ماترضين
ولا قــــالوا لك الرحمـة بكيتـــي إليــن قلتيــها


وكتفي تهــزه ايدينــك بنبضات الأمل ترجيـــن
عساها تنبض بقلبــي وتحيــي روح راعيــها


خلاص اليوم ودعيني ومسحي دموع هذي العين
واذا غلطـــاتي في حقك كثيرة اليـــوم انسيـــها


يا يمه قولي لأخواني وصيــــة حقهـــم بعـــدين
ترى رضــــاك يغنيــهم عن الدنيـــــا ومافيـــــها


ووصيهم يطيعـــونك بقولة " ايه ..نعم..وانزين"
اقسـمـ بهذي اللحظــه حيــــاتك صعب نوفيـــها


ابي بإيدك تغسليـــني ياجنــة تحت هالرجليـن
عسى بإيدينك اتطهــــر من ذنوب ومســاويها


يا يمه الحيــن كفنينـــي وقبلينــي اذا تكفيـــن
واذا فيـــني سقــط دمـعـــك لفيــــني ولفيـــها


اشـــوف الكــل يودعنــي ولكن بينهم تبقيــن
يا يمه امسحي دمــوعـك عيـونك لا تبكـيها
avatar
ابو الادهم
حصان نشيط
حصان نشيط

عدد الرسائل : 38
نقاط : 0
تاريخ التسجيل : 28/06/2008

الرجوع الى أعلى الصفحة اذهب الى الأسفل

رد: يا يمه اليوم انا راحل بلا هاالدمع عالخدين

مُساهمة من طرف البلبل الحزين في الأحد أكتوبر 12, 2008 12:31 am

والله كلمات روعه
اروع من الروعه
يعطيك الف عافيه على هالموضوع الحو
تابع تقدمك

_________________
avatar
البلبل الحزين
حصان مبدع
حصان مبدع

عدد الرسائل : 108
العمر : 29
اعلام الدوله :
المهنه :
الهواية :
نقاط : 26
تاريخ التسجيل : 06/06/2008

الرجوع الى أعلى الصفحة اذهب الى الأسفل

رد: يا يمه اليوم انا راحل بلا هاالدمع عالخدين

مُساهمة من طرف المجروحه في الخميس أكتوبر 23, 2008 8:08 am

avatar
المجروحه
حصان نشيط
حصان نشيط

عدد الرسائل : 43
العمر : 27
اعلام الدوله :
المهنه :
الهواية :
نقاط : 28
تاريخ التسجيل : 11/07/2008

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى